Marufuku ya upigaji picha katika Misikiti Miwili Mitakatifu ya Makka na Madina
Kwa mujibu wa Idara Kuu
wa Habari Saudia, marufuku hiyo ni katika Msikiti wa Makka maarufu kama Masjid
al-Haram na Msikiti wa Madina maarufu kama Masij an-Nabawi.
Wizara ya Mambo ya Nje ya Saudia tayari imeshawatumia wawakilishi kidiplomasia taarifa kuhusu marufuku huyo mnamo Novemba 12 .
Wakuu wa Saudia wamedai wamechukua uamuzi huo kwa lengo la kulinda na kuhifadhi maeneo hayo mawili matakatifu na kuzuia kubughudhiwa waumini sambamba na kuhakikisha utulivu wakati wa ibada.
Taarifa zinasema hata waandishi habari pia na hawaruhusiwi kupiga picha wakiwa ndani ya maeneo hayo mawili matakatifu pasi na kuwepo idhini maalumu.
Wakuu wa Saudia wanasema mtu atakayepatikana amekiuka amri hiyo atachukuliwa hatua za kisheria sambamba na kupokonywa chombo ambacho kimetumika kuchukua picha au video.
Saudia imechukua hatua
hiyo baada ya Myahudi-Mzayuni raia wa Israel kupiga picha akiwa ndani ya Masjid
an-Nabawi mjini Madina jambo ambalo limewakasirisha Waislamu wengi duniani.
Yahudi Mzayuni raia wa Israel Ben Tzion akiwa ndani ya Masjid an Nabawi mjini Madina kufuatia mwaliko wa wakuu wa Saudia
Kwa mujibu wa sheria, wasiokuwa Waislamu hawaruhusiwa kuingia eneo la kati mwa Madina uliko Msikiti huo ambao ni sehemu ya pili kwa utakatifu katika Uislamu.
Tayari Waislamu nchini Indonesia wameshakosoa uamuzi wa Saudia kupiga marufuku upigaji picha katika Haram Mbili Takatifu na kusema picha na video zinazochukuliwa ni kumbukumbu ya kudumu kwa wale wanaotembelea maeneo hayo matakatifu.
