Xristianlar iftar süfrəsinə qonaq oldular
İQNA-nın (Beynəlxalq Quran Xəbər Agentliyi) "straitstimes" informasiya portalına istinadla verdiyi xəbərə görə, Sinqapurda müsəlmanlar tərəfindən keçirilən iftar ziyafətində bir qrup xristianda iştirak edib.
Müştərək iftar süfrəsini təşkil edən "The Church of Jesus Christ of Latter-Day Saints" kilsəsi və "Sinqapur İslam Cəmiyyəti"nin əsas hədəfi dinlərarası əlaqələri möhkəmləndirmək və müxtəlif dinlərdən olan insanların bir süfrə başında sülh və barış içərisində yaşamasının mümkünlüyü və gözəlliyini göstərmək olub.
Eyni hadisə keçən həftənin bazar günü Sinqapurun "Kampong Ubi Community Centre"ndə də baş verib. Sinqapurun prezindeti Həlimə Yəqubun da qatıldığı bu iftar süfrəsində müxtəlif dinlərdən olan 4000 nəfər iştirak edib.
Qeyd edək ki, Sinqapurun 5.5 milyonluq cəmiyyətinin 33 faizi buddist, 19 faizi xristian və 15 faizi müsəlmandır.
http://iqna.ir/fa/news/3815150
