Shugaban kasar Brazil ya daga tutar Falasdinu
Masu amfani da shafukan sada zumunta sun yada wani faifan bidiyo da ke nuna shugaban kasar Brazil Lula da Silva yana daga tutar Falasdinu a wani bikin kasa.
Silva, tare da wasu masu fafutuka na kasar Brazil, sun daga tutar Falasdinu, inda suka dauki hoton tunawa da ita, a yayin bude taro na hudu na taron al'adu na kasa a Brazil.
Matsayin shugaban kasar Brazil dangane da cin zarafi da gwamnatin sahyoniya ta yi wa Gaza ya bayyana a fili.
A cikin kalamansa, ya jaddada cewa: Abin da ke faruwa a Palastinu shi ne kisan kiyashi, kuma ayyukan 'yan mamaya ya yi daidai da abin da Hitler ya yi wa Yahudawa a Jamus.
Shugaban na Brazil ya kuma soki kwamitin sulhu na Majalisar Dinkin Duniya saboda a cewarsa, ba ta daukar wani matakin da ya dace kuma ba za ta iya daukar wani mataki na zaman lafiya ba.
Ya jaddada cewa 'yan kasar Brazil za su yi iya kokarinsu wajen yin garambawul ga kwamitin sulhu.
