Kituo cha Kiislamu cha Toronto chakumbana na changamoto ya kulinda mali yake

IQNA - Msikiti wa Kituo cha Kiislamu cha Toronto, Kanada (Canada) mahali pa ibada na jumuiya ya Waislamu wengi katikati mwa jiji hilo, uko katika hatari ya kupoteza mali yake ikiwa hauwezi kukusanya pesa za kutosha kununua.

Wamiliki wa msikiti huo tayari wamelipa dola milioni 3.5 kupitia michango na mikopo isiyo na riba kutoka kwa jamii, lakini bado wanahitaji dola milioni 5.4 ili kupata jengo hilo. Malipo yanayofuata ya dola 600,000 yanastahili kufanywa mnamo Aprili, Habari za CBC ziliripoti Ijumaa.

Msikiti huo, ulioko Mtaa wa Yonge na Barabara ya Davenport, ulihamia kwenye nafasi hiyo mnamo Machi 2019, baada ya eneo la awali katika Mtaa wa 575 Yonge kuuzwa.

Wamiliki waliamua kununua jengo hilo mnamo Septemba mwaka huu, badala ya kulipa kodi ya kila mwezi ya dola 47,000.

Hawakufuata rehani kwa sababu ya imani za Kiislamu zinazokataza kulipa na kupokea riba.

Msikiti unatumika kama kitovu cha programu na shughuli mbalimbali kwa ajili ya jamii ya Kiislamu, kama vile sala, mafundisho ya Kiislamu, madarasa ya ustawi wa kihisia, na uwezeshaji wa wanawake.

Inaonyesha pia utofauti na tamaduni nyingi za Toronto, kulingana na baadhi ya waliohudhuria.

"Sio muhimu kwa jamii pekee, ni muhimu kwa Kanada," alisema Asad Chaudry, ambaye amekuwa akihudhuria huduma katika kituo hicho kwa muongo mmoja. "Unaona watu kutoka kila asili ... mahali hapa ni Kanada ndogo. Na tunahitaji kuihifadhi," alisema.

Imam na Msimamizi mkuu wa msikiti huo Shaffni Nalir alisema anashukuru kwa moyo wa ukarimu wa wanajumuiya waliotoa na kuukopesha msikiti huo.

Alisema ana matumaini kuwa msikiti huo unaweza kuendelea kupata msaada na kubakia kuwa sehemu ya imani na mali kwa jamii.

3486610